کراچی کے علاقے ملیرالفلاح سے 10 روز کی بچی کو گھر سے اغوا کر لیا گیا، سی سی ٹی وی فوٹیج سامنے آنے کے بعد واقعے کا مقدمہ درج کر لیا گیا۔
بچی کےاغوا کی سی سی ٹی وی فوٹیج اےآر وائی نیوز نے حاصل کر لی ہے۔ فوٹیج میں 2خواتین کو بچی کو لےجاتےدیکھا جا سکتا ہے۔
والدوقار کا کہنا ہے کہ 10روز کی نورفاطمہ والدہ کے پاس گھر میں تھی، شام میں بچی کو سلانے کے بعد والدہ خود بھی سو گئی جب آنکھ کھلی تو بچی غائب تھی اورگھر کادروازہ کھلا تھا۔
والد کا کہنا ہے کہ سی سی ٹی وی فوٹیج دیکھی تو 2 نامعلوم خواتین کو دیکھا جو نقاب پوش تھیں اور بچی کو گود میں اٹھایا ہوا تھا۔
انہوں نے بتایا کہ پولیس نے واقعے کا مقدمہ درج کر لیا ہے تاہم فی الحال بچی کا پتہ نہیں لگایا جا سکا اور نہ اغوا کار خواتین کے بارے میں معلومات سامنے آئی ہیں۔
