The news is by your side.

Advertisement

فیصل آباد : 5 ملزمان کی اغواء کے بعد لڑکی سے اجتماعی زیادتی

فیصل آباد : جھنگ بازارسے پانچ ملزمان نے لڑکی کواغوا کرنے بعد اجتماعی زیادتی کانشانہ بناڈالا ، پولیس نے مقدمہ درج کرکےتفتیش شروع کردی ہے۔

تفصیلات کے مطابق فیصل آباد میں اجتماعی زیادتی کاایک اورواقعہ رپورٹ ہوا ،جہاں جھنگ بازارسے پانچ ملزمان نےلڑکی کواغوا کرنے بعداجتماعی زیادتی کا نشانہ بنایا۔

پولیس کا کہنا ہے لڑکی کو ملزم نعمان نے چار ساتھیوں کی مدد سے اسلحہ کےزورپراغواکیاتھا، ملزمان نےلڑکی کو گھرلےجا کراجتماعی زیادتی کانشانہ بنایا۔ لڑکی کےاہلخانہ کے پہنچنے پر ملزمان فرار ہو گئے۔

پولیس نے تھانہ جھنگ باز میں مقدمہ درج کرکے تفتیش شروع کردی ہے۔

یاد رہےگزشتہ روز بہاولپور میں زیادتی کا شکار لڑکی نے پولیس کی روایتی بے حسی سے دلبرداشتہ ہو کر مبینہ طور پر خود کشی کر لی تھی، غریب خاندان سے تعلق رکھنے والی محنت کش کی بیٹی طاہرہ کو بااثر افراد کی جانب سے زیادتی کا نشانہ بنایا گیا۔

مزید پڑھیں : بہاولپور میں زیادتی کا شکار لڑکی کی خودکشی

واقعے کی رپورٹ درج کروانے والد متعلقہ تھانے پہنچا اور اندراج مقدمہ کی تحریری درخواست دی مگر بااثر افراد ہونے کی وجہ سے پولیس نے ٹال مٹول سے کام لیا اور متاثرہ خاندان کو چوکی کے چکر کٹواتے رہے۔

والد کا کہنا ہے کہ پولیس کی بے حسی اور ملزمان کے خلاف کارروائی نہ کرنے پر بیٹی نے اسپرے پی کر زندگی کا خاتمہ کر لیا۔

بعد ازاں وزیر اعلیٰ پنجاب کی جانب سے واقعے کا نوٹس لینے کے بعد ہ ڈی پی او بہاولپور نےفوری ایکشن لیتے ہوئے ملزم لقمان کو گرفتار کر لیا تھا۔

فیاض الحسن چوہان نے بتایا کہ ڈی پی او بہاولپور نےفوری ایکشن لیتے ہوئے ملزم لقمان کو گرفتار کر لیا ہے، ملزم کے ساتھ متعلقہ تھانے کا ایس ایچ او،چوکی انچارج بھی پابند سلاسل ہیں۔

Comments

یہ بھی پڑھیں