The news is by your side.

Advertisement

لڑکی اے ٹی ایم کے سامنے اچانک ڈانس کرنے لگی، لیکن کیوں؟ مزاحیہ ویڈیو وائرل

سوشل میڈیا پر ایک مزاحیہ ویڈیو وائرل ہوئی جس میں ایک لڑکی کو اے ٹی ایم سے پیسے نکلنے پر ڈانس کرتے دیکھا جاسکتا ہے، انسٹا گرام کی ویڈیو اس قدر مقبول ہوئی کہ اس کو 34 لاکھ 96 ہزارسے زائد سے لوگ دیکھ اور پسند کرچکے ہیں جبکہ دلچسپ تبصروں کا سلسلہ بھی جاری ہے۔

تفصیلات کےمطابق ملازمین کو تنخواہ ملنے پر جو خوشی ہوتی اس کو بیان کرنے کے لئے ان کے پاس الفاظ نہیں ہوتے، ایک ایسی ہی ویڈیو سوشل میڈیا پر تیزی کے ساتھ وائرل ہورہی ہے جس میں ایک لڑکی کو اے ٹی ایم سے پیسے نکلنے پر ڈانس کرتے دیکھا جاسکتا ہے۔

بھارتی خبر رساں ادارے کے مطابق اس واقعہ کی ویڈیو بھارتی دارالحکومت نئی دہلی کی ہے جہاں اے ٹی ایم سے جیسے ہی پیسے نکلے تو لڑکی کو خود پر قابو نہ رہا اور وہ سب نظر انداز کئے والہانہ انداز میں ناچنے لگی۔

مذکورہ ویڈیو میں دیکھا جاسکتا ہے کہ منہ پر ماسک اور سیاہ لباس میں ملبوس ایک لڑکی اے ٹی ایم مشین میں کارڈ ڈال کر بہت پرجوش ہے اور ڈانس کر کے خوشی کا اظہار کررہی ہے۔

اپنا اے ٹی ایم کوڈ لگانے پر جب پروسیس مکمل ہوتا دیکھا تو لڑکی خوشی سے رقص کرنے لگی اور پیسے وصول کرنے کے بعد بھی ٹھمکے لگائے اور شکریہ اداکرنے کے لئے مشین کے آگے سر جھکایا اور چلی گئی۔

سوشل میڈیا پر ویڈیو کے وائرل ہونے پر صارفین نے لڑکی کے اس انداز کو خوب پسند کیا اور کمنٹس سیکشن میں دلچسپ تبصرے بھی کئے۔

ایک صارف نے لکھا کہ آج پارٹی ہوگی، ایک اس ویڈیو کو دیکھا کر لکھا کہ ہم اپنے جذبات کو بیان نہیں کرسکتے جب ہرماہ ہماری تنخواہ آتی ہے جبکہ ایک نے کہا کہ محنت کے کام کا انعام۔ ویڈیو کو اب تک 34 لاکھ 96 ہزار سے زائد لوگ دیکھ چکے ہیں۔

انسٹاگرام پر وائرل ہونے والی اس ویڈیو کے کیپشن میں مختصر تحریر میں لکھا گیا کہ خوشی دیکھ رہے ہو تنخواہ کی؟۔

Comments

یہ بھی پڑھیں