کراچی : شہر قائد میں لڑکی کے قتل کا واقعہ پیش آیا ہے،سسرالیوں نے مبینہ طور پر تشدد کرکے بہو کو قتل کردیا، لڑکی کی لاش پر تشدد کے واضح نشانات موجود ہیں۔
اے آر وائی نیوز کی رپورٹ کے مطابق کراچی کے علاقے ہاکس بے مشرف کالونی میں ایک اور لڑکی کو اس کی سسرال میں موت کے گھاٹ اتار دیا گیا، 20 سالہ عائشہ کو مبینہ طور پر تشدد اور گلا دبا کر قتل کیا گیا۔
رپورٹ کے مطابق 20 سالہ لڑلی کی لاش گزشتہ روز اس کے کمرے سے ملی، جسے بد ترین تشدد کا نشانہ بنا نے کے بعد گلا دبا کر قتل کیا گیا تھا۔
لیڈی ایم ایل او کی عدم موجودگی کے باعث عائشہ کی لاش 18 گھنٹے تک پوسٹ مارٹم کیلیے سول اسپتال میں پڑی رہی۔
اس حوالے سے لڑکی لے والدین کا کہنا ہے کہ ان کی بیٹی کی گردن پر رسی جبکہ پشت اور بازو پر تشدد کے واضح نشانات موجود ہیں، لڑکی کے ورثا نے شفاف تحقیقات کے بعد قاتلوں کی گرفتاری مطالبہ کردیا۔
پولیس کے مطابق لاش کی پوسٹ مارٹم رپورٹ آنے کے بعد والدین کی مدعیت میں مقدمہ درج کیا جائے گا، عائشہ کی آٹھ ماہ قبل شادی ہوئی تھی، جس وقت لاش ملی اس وقت اس کا شوہر نوکری پر گیا ہوا تھا۔
