The news is by your side.

Advertisement

کرونا کے خلاف لڑنے والی نرس کی موت پر پانچ سالہ بیٹی بے ساختہ رو پڑی

بیجنگ : کرونا وائرس کی وبا سے لڑنے والی نرس کی موت پر پانچ سالہ بیٹی کے بے ساختہ رونے کی ویڈیو نے دیکھنے والوں کی آنکھیں بھی نم کردیں۔

غیر ملکی خبر رساں ادارے کی رپورٹ کے مطابق کونا وائرس کی وبا نے سب سے پہلے چین پر وار کیا تھا جہاں حالات اس قدر خوفناک ہوگئے تھے ووہان شہر کا رابطہ دنیا بھر سے منقطع ہوگیا، اس وبا کے دوران میڈیکل اسٹاف نے فرنٹ لائن پر وائرس سے مقابلہ کیا اور بے تحاشا طبی عملے نے اپنی جان کی بازی ہاری۔

ایسا ہی ایک واقع چین کے صوبے ہوبی ک شہر جنان میں پیش آیا جہاں گزشتہ دو ماہ سے دن رات مریضوں کی دیکھ بھال کرنے والی نرس دنیا سے رخصت ہوگئی، نرس کے آخری رسومات کی ادائیگی میں پانچ سالہ بچی باپ سے گلے لگ کر بے ساختہ رو پڑی، جس کی ویڈیو سوشل میڈیا پر بھی وائرل ہوگئی۔

ویڈیو میں دیکھا جاسکتا ہے کہ کمسن بچی یہ کہتے ہوئے رو رہی ہے کہ ‘ماں مجھے چھوڑ کر مت جاؤ’۔

میڈیا رپورٹ میں بتایا گیا ہے کہ مرنے والی خاتون نے 6 اپریل کو قرنطینہ کے چودہ دن مکمل ہونے کے بعد دم توڑا ہے، ذرائع کا کہنا ہے کہ مذکورہ نرس 56 دن وائرس سے مسلسل مریضوں کی حفاظت کرتی رہی اور پھر خود قرنطینہ میں چلی گئی۔

قرنطینہ میں 14 دن مکمل کرنے کے بعد خاتون جب گھر پہنچی تو دل کا دورہ پڑنے کے باعث زندگی کی بازی ہار گئی۔

Comments

یہ بھی پڑھیں