تازہ ترین

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

وفاقی حکومت نے آٹا برآمد کرنے کی اجازت دے دی

وفاقی حکومت نے برآمد کنندگان کو آٹا برآمد کرنے...

وزیراعظم شہباز شریف آج چیف جسٹس قاضی فائز عیسٰی سے اہم ملاقات کریں گے

اسلام آباد : وزیراعظم شہبازشریف اور چیف جسٹس سپریم...

نیند میں چلنے والی بچی کے ساتھ خوفناک حادثہ

روس میں ایک 3 سالہ بچی نیند میں چلتے ہوئے گھر کے سنسان حصے میں چلی گئی جہاں کے منفی درجہ حرارت سے اس کی موت واقع ہوگئی۔

بین الاقوامی میڈیا رپورٹ کے مطابق 3 سالہ بچی انجلینا اپنے والدین اور ایک سال کی چھوٹی بہن کے ساتھ رہتی تھی، اسے نیند میں چلنے کی بیماری تھی اور اکثر اوقات وہ اپنے بستر سے نکل کر گھر کے کسی دوسرے حصے میں چلی جاتی تھی جہاں سے اس کے والدین اسے اٹھا کر واپس بستر پر لاتے تھے۔

بچی کی ماں کا کہنا ہے کہ حادثے سے ایک روز قبل شام میں ان کی چھوٹی بچی کی پہلی سالگرہ تھی، جس کے بعد حسب معمول والدہ نے انجلینا کو اس کے کمرے میں سلایا اور خود بھی اپنے کمرے میں آ کر سوگئیں۔

اگلی صبح انجلینا اپنے بستر پر موجود نہیں تھی، ماں نے دیکھا کہ وہ ہال وے (راہداری) میں بے حس و حرکت موجود تھی جہاں سخت سردی تھی۔

والدین اسے لے کر فوراً اسپتال گئے جہاں ڈاکٹرز نے اس کی موت کی تصدیق کرتے ہوئے بتایا کہ وہ ہائپوتھرمیا (سخت سردی سے جم جانا) کا شکار ہوئی تھی۔

پولیس کے مطابق اس رات راہداری میں درجہ حرارت منفی 15 ڈگری سینٹی گریڈ تھا، روس کے مذکورہ علاقے میں موسم سرما کے دوران پارہ منفی 17 سے منفی 25 سینٹی گریڈ تک پہنچ جانا معمول کی بات ہے۔

پولیس نے ماں پر غفلت کے الزامات عائد کرتے ہوئے تفتیش شروع کردی ہے، اگر یہ الزام ثابت ہوگیا تو ماں کو 2 سال قید کی سزا ہوسکتی ہے، ماں کا نفسیاتی معائنہ بھی کیا جارہا ہے۔

جوڑے کی دوسری 1 سالہ بچی کو فلاحی ادارے منتقل کردیا گیا ہے جہاں وہ تفتیش مکمل ہونے تک رہے گی۔

Comments

- Advertisement -