اسلام آباد : سیالکوٹ سے اغوا ہونے والی ڈیرھ سالہ بچی کو دبئی سے بازیاب کرالیا گیا ، سگی دادی نے اپنی بیٹی ظاہر کرکے بچی کو اغوا کیا تھا۔
تفصیلات کے مطابق سیالکوٹ کے علاقے رنگپورہ سے اغوا ڈیڑھ سالہ بچی انٹر پول کی مدد سے دبئی سے بازیاب کرالیا گیا ، پولیس نے بتایا کہ مقدمے میں مطلوب ملزمہ کو ریڈ وارنٹ اور انٹرپول کی مدد سے دبئی سے گرفتار کیا گیا۔
پولیس کا کہنا تھا کہ ملزمہ محمودہ اخترکمسن بچی کی سگی دادی ہے، ملزمہ نےپوتی کےجعلی پاسپورٹ اور بے فارم بنوا کر اپنی بیٹی ظاہر کرکے اغوا کیا۔
حکام نے مزید بتایا کہ کم سن میرب کے والد سلمان اور والدہ کے درمیان علیحدگی ہوچکی ہے تاہم ڈیڑھ سالہ میرب کو دبئی سے لاکر اس کی والدہ کے حوالےکردیا گیا ہے۔
