The news is by your side.

Advertisement

جواں سالہ لڑکی سے زیادتی کا الزام، 17 گریڈ کا افسر گرفتار

اسلام آباد : پولیس نے ملازمت کی غرض سے آنے والی لڑکی سے زیادتی کے الزام میں گریڈ 17 کے ایک افسر کو گرفتار کرلیا، ملزم کیخلاف مقدمہ درج کرلیا گیا۔

اس حوالے سے اسلام آباد پولیس حکام نےمیڈیا کو بتایا کہ گریڈ 17کے ایک آفیسر رانا سیہل اختر کو گرفتار کرلیا گیا ہے، ملزم پر الزام ہے کہ اس نے ایک لڑکی کو نوکری کا جھانسہ دے کر اس کی آبرو لوٹ لی۔

پولیس کے مطابق متاثرہ لڑکی نے پولیس کو دیئے گئے بیان میں بتایا ہے کہ مذکورہ سرکاری افسر نے اسے نوکری دلوانے کے لئے پشاور سے اسلام آباد بلایا تھا۔

لڑکی کے بیان کے مطابق ملزم پہلے اسے بہانے سے این سی آر سی کے ایک ریسٹ ھاؤس میں لے گیا اور میرے انکار کرنے پر زبردستی زیادتی کا نشانہ بنایا۔

پولیس حکام کا کہنا ہے کہ متاثرہ لڑکی کا میڈیکل چیک اپ کروایا جارہا ہے، طبی رپورٹ آنے کے بعد مزید کارروائی کی جائے گی، متاثرہ لڑکی کی درخواست پر مقدمہ کا اندراج کیا جارہا ہے۔

پولیس کے مطابق متاثرہ لڑکی کی جانب سے مذکورہ درخواست سیکشن آفیسر رانا سہیل کی خلاف دی گئی ہے، ملزم رانا سہیل اختر اسٹبلشمنٹ ڈویژن میں بطور سیکشن آفیسر تعینات ہے۔

Comments

یہ بھی پڑھیں