بھارتی حیدرآباد میں پیش آئے ایک دلخراش حادثے میں ایک لڑکی جان کی بازی ہار گئی، بھرت نگر فلائی اوور سے ایک لڑکی اسکوٹی پر اپنے گھر جارہی تھی کہ آر ٹی سی بس نے اسے روند دیا۔
غیر ملکی ذرائع ابلاغ کے مطابق لڑکی اسکوٹی سے گر پڑی اور وہاں سے گزرنے والی آر ٹی سی بس کے نیچے آگئی، جس کے باعث موقع پر ہی جان کی بازی ہار گئی۔
حادثے کا شکار ہونے والی لڑکی کی شناخت 26 سالہ سنیتا کے طور پر ہوئی ہے، لڑکی کوکٹ پلی ہاؤزنگ بورڈ کی رہائشی ہے جبکہ ایک خانگی ادارے میں کام کر رہی تھی۔ پولیس نے مقدمہ درج کرکے تحقیقات کا آغاز کردیا ہے۔
دوسری جانب بھارتی حیدرآباد میں قتل کی ایک لرزہ خیز واردات میں شوہر نے اپنی بیوی کا سر تن سے جدا کردیا۔
رپورٹ کے مطابق وجے نام کے شخص کی شادی 40 سالہ پشپاوتی سے ہوئی تھی۔ شوہر اپنی بیوی کے کردار پر شک کرتے ہوئے اسے ہراساں کیا کرتا تھا۔ مقتولہ کے دو بچے بھی ہیں۔
البانیہ کے شاہی جوڑے کا 8 سال بعد طلاق کا اعلان
پولیس ذرائع کا کہنا ہے کہ ملزم اپنی بیوی کو جھوٹ بول کہیں لے گیا اور تیز دھار خنجر سے اس کا گلا کاٹ کر قتل کردیا، اطلاع ملتے ہی پولیس وہاں پہنچ گئی اور شوہر کے خلاف مقدمہ درج کرکے ملزم کی تلاش شروع کردی گئی ہے۔
