کراچی : لیاقت آباد سپرمارکیٹ سے سوٹ کیس میں ملنی والی لاش کی شناخت کرلی گئی، لاش بیس سالہ عریشہ کی ہے ، عریشہ ماں کے گھر سے والد کے گھرکیماڑی گئی تھی۔
تفصیلات کے مطابق کراچی کے علاقے لیاقت آباد سپر مارکیٹ سے سوٹ کیس سے لڑکی کی لاش برآمد ہوئی ، پولیس نے بتایا کہ لڑکی کی شناخت بیس سالہ عریشہ کے نام ہوئی ہے۔
پولیس کا کہنا تھا کہ لاش کے ہاتھ بندھے ہوئے تھے، جسم پر تشدد کے نشانات موجود ہے ، لڑکی کی والدہ اوروالدنےدوسری شادیاں کررکھی ہیں۔
کراچی : عریشہ اپنی والدہ کے گھر گلبرگ سے والد سے ملنے کیماڑی گئی تھی ، کیماڑی میں والد سے ملاقات بھی ہوئی، جس کے بعدسےلڑکی لاپتہ ہوئی، دوپہر میں والد سے ملاقات ہوئی اور رات میں سوٹ کیس میں لاش ملی۔
لڑکی کے والد کا کہنا ہے کہ بیٹی نے ملاقات میں کچھ رقم کا تقاضہ کیا جو میں نے اس کو دی، وہ ملاقات کر کے چلی گئی تھی، جس کے بعد عریشہ لاپتہ ہوئی۔
پولیس کے مطابق معاملے کی تحقیقات شروع جاری ہیں، گھر والوں کے بیانات بھی ریکارڈ کیے جا رہے ہیں، لڑکی کے والدین کےبیانات کی روشنی میں تفتیش آگے بڑھائیں گے۔
