بھارت میں عورت ہونا جرم بنا دیا گیا، ملک میں خواتین انتہائی محفوظ ہوگئیں، دو دن سے لا پتہ دسویں جماعت کی طالبہ راگنی کی گھر کے نزدیک خالی پلاٹ سے جلی ہوئی لاش برآمد کرلی گئی۔
بین الاقوامی خبر رساں ادارے کی رپورٹ کے مطابق مقتولہ پانچ بہن بھائیوں میں سب سے بڑی تھی، لواحقین نے دو دن قبل تھانے میں گمشدگی کی رپورٹ درج کرائی تھی۔
رپورٹ کے مطابق طالبہ کو قتل کرکے ایک خالی میں جلا دیا گیا، جس سے اس کا جسم مکمل طور پر جل گیا، بدھ کی صبح طالبہ کی لاش ملنے کے بعد علاقے میں خوف و ہراس پھیل گیا۔
بھارتی میڈیا کے مطابق مقتولہ طالبہ راگنی کے والد رکشہ چلاتے ہیں، جبکہ والدہ لوگوں کے گھروں میں کام کرتی ہیں، مقتولہ کا خاندان یو پی بہرائچ کا رہنے کا رہنا والا ہے۔
پولیس کی جانب سے ابتدائی تفتیش میں اسے قتل قرار دیا جارہا ہے، مقتولہ کی لاش گھر کے قریب ایک پلاٹ میں بنے کمرے میں پڑی تھی۔
بیٹی کی جان بچانے کیلئے ماں کو یمن جانے کی اجازت مل گئی۔۔۔؟
کمرے میں گری ہوئی ریت پر انگلی سے لکھا ہوا تھا کہ ”خدا میری جیسی بیٹی کسی کو نہ دے“۔۔ پولیس کی جانب سے معاملے کی تحقیقات کا آغاز کردیا گیا ہے۔
