کراچی : پولیس نے سرجانی ٹاون میں ڈکیتی کے دوران لڑکی سے زیادتی کے واقعے میں ملزمان کی گرفتاری کے لئے ٹیم تشکیل دے دی۔
تفصیلات کے مطابق کراچی کے علاقے سرجانی ٹاون میں ڈکیتی کے دوران لڑکی سے زیادتی کے واقعے پر پولیس نے ملزمان کی گرفتاری کیلئے ٹیم تشکیل دے دی۔
ٹیم میں ایس ایس پی ویسٹ سہائی عزیز ،ایس پی اورنگی،ڈی ایس پی سرجانی ودیگر شامل ہیں، پولیس حکام نے بتایا ہے کہ تفتیشی ٹیم نے گزشتہ روز متاثرہ فیملی سے رابطہ کیا۔
حکام کا کہنا تھا کہ ملزمان گھر سے 24 ہزارروپےاور موبائل فون لیکر گئے جبکہ ایک ملزم نے جاتے جاتے زیادتی کی۔
پولیس کے مطابق علاقہ کی جیو فینسک مکمل کرلی گئی، سی سی ٹی وی فوٹیج سمیت دیگر شواہد جمع کرلئے گئے ،اس واقعے میں ملوث ملزمان جلد گرفتار ہوں گے۔
ایک سال قبل بھی سرجانی ٹاؤن میں واقعہ پیش آیا تھا، ایک فیملی نے ڈکیتی کے دوران زیادتی کی شکایت کی تھی تاہم ملزمان کو چند روز بعد گرفتار کرلیا گیا تھا۔
