گلاسکو : گریٹا تھنبرگ نے موسمیاتی تبدیلی سے متعلق شعور اجاگر کرنے کیلئے موسمیاتی مارچ اور ہڑتال کا اعلان کردیا۔
موسمیاتی تبدیلی اور ماحولیاتی آلودگی سے متعلق مہم چلانے والی نوعمر سماجی کارکن گریٹا تھنبرگ کی جانب سے ہڑتال اور مارچ کا اعلان کیا ہے۔
انہوں نے مائیکروبلاگنگ ویب سائٹ ٹوئٹر پر جاری بیان میں کہا کہ عالمی لیڈرز صرف بیان بازی اور دکھاوا کررہے ہیں۔
گریٹا تھنبرگ نے کوپ 26 کانفرنس کے حوالے سے کہا کہ عالمی رہنماؤں کے دکھاوے سے تبدیلی نہیں آتی بلکہ عوامی سے تبدیلی آئے گی۔
Time is running out. Change won’t come from these conferences like #COP26 unless there is big public pressure from the outside.
Join the climate strike this Friday (Kelvingrove Park 11am), and the climate march Saturday (11.30am) to make your voice heard. Together we are strong. pic.twitter.com/BYoVHukkyM— Greta Thunberg (@GretaThunberg) November 2, 2021
خیال رہے کہ اسکاٹ لینڈ کے شہر گلاسگو میں اس وقت دنیا بھر سے 20 ہزار حکومتی نمائندگان، لیڈران اور گریٹا تھنبرگ سمیت دیگر سماجی کارکنان موجود ہیں، جو کانفرنس آف پارٹیز (کوپ) 26 نامی سمٹ میں شریک ہیں۔
کوپ 26 کا مقصد دنیا کو درپیش ماحولیاتی چیلنجز سے نمٹنے کے لیے اقدامات کرنا ہے لیکن کانفرنس میں شریک عالمی رہنما انتہائی اہم مسئلے پر غیرسنجیدہ نظر آتے ہیں جس کی کچھ جھلکیاں گزشتہ روز سوشل میڈیا پر بھی وائرل ہوئی تھیں، جس پر انٹرنیٹ صارفین کی جانب سے عالمی رہنماؤں کو شدید تنقید کا نشانہ بنایا تھا۔