موجودہ دور میں شیشے جیسی چکمدار جلد ’گلاس اسکن‘بنانا ایک ٹرینڈ بن گیا ہے کیونکہ اب کورین خواتین کی طرح چمکتی جلد ہر لڑکی کا خواب ہے جس کیلئے گلاس اسکن ماسک لگایا جاتا ہے۔
یہ گلاس اسکن ماسک کیا ہے اور اس کے کیا فوائد ہیں؟ اس حوالے سے اے آر وائی ڈیجیٹل کے پروگرام گڈ مارننگ پاکستان میں بیوٹیشن حنا انیس نے اس کی تفصیل بیان کی۔
انہوں نے بتایا گلاس اسکن بنانے کرنے کا طریقہ عام ماسک جیسا نہیں ہوتا ہے بلکہ تھوڑا مختلف ہے یہ ایک بیوٹی روٹین ہے جس سے جلد مزید بہتر ہوتی ہے۔
یہ ماسک آپ کی اسکن کو گِلو دیتا ہے، ہائیڈریٹ کرتا ہے، پیلانگ کرتا ہے، اس کے علاوہ اسکن بہت نرم، صاف اور چمکدار ہو جاتی ہے۔
حنا انیس نے ’گلاس اسکن ماسک‘ بنانے کا آسان سا طریقہ بتایا جس کے استعمال سے خواتین جلد کے مسائل کو باآسانی حل کرسکتی ہیں۔
انہوں نے بتایا کہ اس ماسک کو روزانہ لگانا ہے اور اس کے کوئی مضر اثرات بھی نہیں ہیں کیونکہ یہ دیسی انداز سے بنایا جاتا ہے اور اس میں صرف چار اشیاء شامل کی گئی ہیں۔
بیوٹیشن حنا انیس نے کہا کہ اس کو بنانے کیلئے پہلا لیمن جوس دوسرا آلو کاجوس اس کے بعد چاول کا آٹا اور چوتھی چیز بادام کا تیل۔ ان چاروں چیزوں کو ملا کر پیسٹ بنالیں اور روزانہ لگائیں۔ آپ کی جلد نرم و ملائم اور صاف شفاف ہوجائے گی۔
