ہر انسان کی جلد پر عمر بڑھنے کے ساتھ ساتھ اسکے اثرات نمایاں ہونے لگتے ہیں اور سب ہی کی ہر شخص کی خواہش ہوتی ہے کہ ان کی جلد صاف شفاف اور نرم وملائم ہو اس کیلیے اسکن ماسک کی بہت اہمیت ہے۔
جلد کی بالائی سطح پتلی اور ڈھیلی ہونے کی پریشانی سے چھٹکارے کیلئے خواتین مختلف طریقے اور کریمیں استعمال کرتی ہیں اور بغیر کسی معالج کے مشورے کے کسی بھی بھی کریم کو استعمال کرلینا نقصان کا باعث بن سکتا ہے۔
اس حوالے سے اے آر وائی ڈیجیٹل کے پروگرام گڈ مارننگ پاکستان میں ماہر بیوٹیشن حنا انیس نے ’گلاس اسکن ماسک‘ بنانے کا آسان سا طریقہ بتایا جس کے استعمال سے خواتین اس مسئلے کو باآسانی حل کرسکتی ہیں۔
انہوں نے بتایا کہ اس ماسک کو روزانہ لگانا ہے اور اس کے کوئی مضر اثرات بھی نہیں ہیں کیونکہ یہ دیسی انداز سے بنایا جاتا ہے اور اس مین صرف چار اشیاء شامل کی گئی ہیں۔
بیوٹیشن حنا انیس نے کہا کہ اس کو بنانے کیلئے پہلا لیمن جوس دوسرا آلو کاجوس اس کے بعد چاول کا آٹا اور چوتھی چیز بادام کا تیل۔ ان چاروں چیزوں کو ملا کر پیسٹ بنالیں اور روزانہ لگائیں۔ آپ کی جلد نرم و ملائم اور صاف شفاف ہوجائے گی۔
