سردیوں کے آتے ہی خشک ہواؤں کی وجہ سے جلد پر کھردرا پن اور خارش کا ہونا عام شکایتیں ہیں، ان کا بروقت علاج نہ کیا جائے تو مسائل بڑھ کر شخصیت پر منفی اثرات مرتب کرتے ہیں۔
جلد کی خشکی ختم کرنے کے لئے اے آر وائی ڈیجیٹل کے پروگرام گڈ مارننگ پاکستان میں ڈاکٹر بتول نے ایک بہترین گھریلو نسخہ بنانے کا طریقہ بتایا جس کے استعمال سے آپ کی جلد نرم و ملائم اور چمکدار ہوجائے گی۔
اس کو بنانے کا طریقہ بیان کرتے ہوئے انہوں نے ان اجزاء کو شامل کرنے کا بتایا، جس میں دہی تین چمچ، ہلدی ایک چٹکی، دو چمچ کدو یا لوکی کا تیل، دار چینی پاؤڈر ایک چٹکی سے بھی کم۔
ان تمام اجزاء کو اچھی طرح مکس کرکے اس کا پیسٹ بنالیں، اگر آپ کی جلد خشک ہے تو دہی بالائی والی استعمال کریں اور اگر جلد آئیلی ہے تو بغیر بالائی کی دہی ڈالیں۔
اس پیسٹ کو لگا کر اچھی طرح مساج کریں اور کم از کم ایک گھنٹے کے بعد اس کو نارمل ٹھنڈے پانی سے دھونا ہے لیکن کوئی بھی صابن استعمال نہیں کرنا۔ اس کا بہترین رزلٹ آپ کے سامنے ہوگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نوٹ : مندرجہ بالا تحریر معالج کی عمومی رائے پر مبنی ہے، کسی بھی نسخے یا دوا کو ایک مستند معالج کے مشورے کا متبادل نہ سمجھا جائے۔
