پاکستانی معروف اداکار گوہر رشید نے سوشل میڈیا پر نئی ویڈیو پوسٹ کر کے 2025 میں کسی نئے باب کے آغاز کی جانب اشارہ کیا ہے۔
فوٹو اینڈ شیئرنگ ایپ انسٹاگرام پر اداکار مرزا گوہر رشید نے ایک ویڈیو شیئر کی ہے، ویڈیو میں اداکارہ کبریٰ خان سمیت شوبز انڈسٹری کے معروف ناموں کو بھی دیکھا جا سکتا ہے۔
گوہر رشید کی جانب سے شیئر ہونے والی ویڈیو میں ہدایت کارہ و پروڈیوسر شازیہ وجاہت، وجاہت رؤف، عاشر وجاہت، اذان سمیع خان، مومل شیخ اور دیگر شخصیات موجود ہیں۔
View this post on Instagram
اداکارہ نے ویڈیو شیئر کرتے ہوئے کیپشن میں بسم اللّٰہ 2025 لکھا ہے اور ساتھ میں بتایا ہے کہ کسی ایونٹ کے لیے تیاریوں کا آغاز کیا جا رہا ہے۔
دوسری جانب پاکستان کے متعدد سوشل میڈیا پیجز کی جانب سے دعویٰ کیا جا رہا ہے کہ مرزا گوہر رشید اور کبریٰ خان کی کراچی میں شادی کی تیاریاں جاری ہیں۔
ذرائع نے انکشاف کیا ہے کہ اداکار گوہر رشید اور کبریٰ کی شادی نہایت دھوم دھام سے ہو گی جبکہ اسی سلسلے میں گزشتہ رات فنکاروں نے ڈانس پریکٹس بھی کی ہے۔
یاد رہے کہ اس سے قبل اداکار گوہر رشید نے اشنا شاہ کے شو میں شرکت کی تھی جہاں انہوں نے کہا تھا کہ انہوں نے شریک حیات تلاش کرلی ہے اور اب ان کے بغیر زندگی گزارنا ان کے لیے مشکل بن چکا ہے۔
View this post on Instagram
گوہر رشید کا کہنا تھا کہ وہ دونوں ایک دوسرے کو کافی عرصے سے جانتے ہیں جبکہ وہ انتہائی خوبصورت اور بہترین شخصیت کی مالک خاتون ہیں۔
واضح رہے کہ ماضی میں گوہر اور کبریٰ خان کے درمیان محبت کی چہ مگوئیاں ہوتی رہی ہیں اور دونوں کو متعدد بار ایک ساتھ بھی رومانوی انداز میں دیکھا جاتا رہا ہے۔
ماضی میں دونوں ایک دوسرے سے تعلقات پر مبہم انداز میں بات کرکے یہ واضح کر چکے ہیں کہ ان کے درمیان صرف دوستی ہے، ان کے درمیان کسی طرح کے کوئی رومانوی تعلقات نہیں اس کے باوجود جوڑی کی متعدد بار شادی کی افواہیں بھی زیرِ گردش رہی ہیں۔
