گوجرہ: تحریک انصاف کے رکن صوبائی اسمبلی بلال اصغروڑائچ کے گھر پر فائرنگ کے واقعے میں مقتول عمیر کو11 گولیاں لگیں۔
تفصیلات کے مطابق گوجرہ میں جھنگ روڈ پرپی ٹی آئی ایم پی اے بلال اصغرکے گھرپرفائرنگ سے جاں بحق ہونے والے عمیر کا پوسٹ مارٹم مکمل ہوگیا۔
ایم ایس ڈاکٹرشہباب عالم کے مطابق مقتول عمیر کے جسم پر11 گولیاں لگیں، عمیرپر3 سے 4 فٹ کے فاصلے سے فائرنگ کی گئی۔
اےایس پی شعیب کا کہنا ہے کہ پولیس قتل کے واقعے کی تمام پہلوؤں سے تفتیش کررہی ہے، ایم پی اے نے مخالفین کی طرف سے دھمکیاں ملنے سے متعلق آگاہ کیا تھا۔
انہوں نے بتایا کہ ملزم حیدر گجرقتل کے مقدمے میں ملوث ہے، ملزم کا ایم پی اے بلال اصغر کے ڈیرے آنا جانا رہتا تھا۔
اےایس پی شعیب نے کہا کہ ملزم آج حسب معمول ایم پی اے کے ڈیرے پرآیا تھا، ملزم نے موقع پا کر عمیرکو فائرنگ کرکے قتل کیا۔
پی ٹی آئی کے رکن پنجاب اسمبلی قاتلانہ حملے میں بال بال بچ گئے
واضح رہے کہ پاکستان تحریک انصاف کے رکن پنجاب اسمبلی بلال اصغر وڑائچ کے گھر پر فائرنگ سے ان کا دوست جاں بحق ہوگیا تھا، قاتلانہ حملے میں پی ٹی آئی رکن اسمبلی بال بال بچ گئے تھے۔
