بل کی عدم ادائیگی پر شہر کا ریلوے اسٹیشن اندھیرے میں ڈوب گیا، مسافر حضرات کو شدید پریشانی کا سامنا کرنا پڑا۔
تفصیلات کے مطابق گوجرہ میں واقع ریلوے اسٹیشن کی بجلی بل کی عدم ادائیگی کے سبب 13 روز سے منقطع ہے۔ فیسکو نے بتایا کہ ریلوے اسٹیشن کے ذمہ 4 لاکھ سے زائد کا بل واجب الادا ہے۔
رات کے اندھیرے میں ریلوے اسٹیشن بھوت بنگلے کامنظر پیش کرنے لگا ہے، گرمی میں پنکھے بند ہونے سے مسافروں کو کافی مشکلات کا سامنا ہے۔
- Advertisement -
بجلی منقطع ہونے سے ریلوے اسٹیشن پر پانی کی بھی قلت ہوگئی ہے۔ گوجرہ کے شہریوں نے حکام بالا سے معاملے کا نوٹس لینے کا مطالبہ کیا ہے۔
