کراچی : عالمی منڈی میں سونا مہنگا ہونے کے باوجود پاکستان میں سونے کے بھاؤ میں کمی ریکارڈ کی گئی ہے۔

آل پاکستان جیمز اینڈ جیولرز ایسوسی ایشن کے مطابق ملک میں ایک تولہ سونےکی قیمت میں 1200 روپے کی معمولی کمی ریکارڈ کی گئی جس کے بعد فی تولہ سونا 2 لاکھ 12 ہزار 100 روپے کا ہوگیا ہے۔

رپورٹ کے مطابق 10 گرام سونے کے بھاؤ 1028 روپے کمی سے ایک لاکھ 81 ہزار 842روپے جبکہ 22 قراط 10گرام سونے کی قیمت ایک لاکھ 66 ہزار 688 روپے ہوگئی۔

دوسری جانب عالمی منڈی میں سونے کی قیمت میں 5 ڈالر کا اضافہ ریکارڈ کیا گیا ہے اور اب سونے کی قیمت ایک ہزار 998 ڈالر فی اونس ہوگئی ہے۔