کراچی: صرافہ مارکیٹ میں سونے کی قیمت میں کمی دیکھنے میں آئی ہے، فی تولہ سونے کی قیمت میں معمولی کمی ریکارڈ کی گئی۔
سونے کی فی تولہ قیمت میں 500 روپے کی کمی ہوئی ہے جس کے بعد سونا 2 لاکھ 55 ہزار 500 روپے فی تولہ ہوگیا ہے، اس کے علاوہ 10 گرام سونے کی قیمت میں 429 روپے کی کمی واقع ہوئی ہے۔
آل پاکستان جیمز اینڈ جیولر ایسوسی ایشن کے مطابق اس وقت 10 گرام سونا 2 لاکھ 19 ہزار 50 روپے کا ہوگیا ہے۔
عالمی مارکیٹ میں سونا 17 ڈالر کی کمی سے 2393 ڈالر فی اونس کا ہوگی، چاندی کی فی تولہ قیمت 2 ہزار 850 روپے پر مستحکم رہی۔
خیال رہے سونا خریدنا روایتی طور پر محفوظ سرمایہ کاری سمجھا جاتا ہے جس کی قیمت افراط زر، سیاسی اور معاشی عدم استحکام کے اوقات میں بڑھ جاتی ہے۔
سونے کو صدیوں سے کرنسی اور دولت کی شکل کے طور پر استعمال کیا جاتا رہا ہے، جب سرمایہ کار دوسرے اثاثوں کے بارے میں غیر یقینی محسوس کرتے ہیں، تو وہ اکثر سونا خریدتے ہیں۔
پاکستان میں گذشتہ برس سونے کی قیمت کے تعین کے طریقہ کار میں تبدیلی کردی گئی تھی، جس کے تحت سونے کی قیمت انٹرنیشنل مارکیٹ ریٹ سے 20 ڈالر فی اونس زیادہ مقرر کی گئی ہے۔
