کراچی: عالمی مارکیٹ میں سونے کی قیمت میں کمی کے باوجود پاکستان میں سونا آج بھی مہنگا ہوگیا۔
آل پاکستان جیمز اینڈ جیولرز ایسوسی ایشن کے مطابق فی تولہ سونا 1000 روپے مہنگا ہونے کے بعد 2 لاکھ 62 ہزار 500 روپے ہوگیا ہے۔
اسی طرح 10 گرام سونے کا بھاؤ 857 روپے اضافے سے 2 لاکھ 25 ہزار 51 روپے ہے، ایسوسی ایشن کے مطابق عالمی بازار میں سونے کی فی اونس قیمت 13 ڈالر کم ہو کر 2 ہزار 503 ڈالر فی اونس ہے۔
پاکستان میں آج ڈالر اور دیگر کرنسیوں کی قیمت
خیال رہے سونا خریدنا روایتی طور پر محفوظ سرمایہ کاری سمجھا جاتا ہے جس کی قیمت افراط زر، سیاسی اور معاشی عدم استحکام کے اوقات میں بڑھ جاتی ہے۔
سونے کو صدیوں سے کرنسی اور دولت کی شکل کے طور پر استعمال کیا جاتا رہا ہے، جب سرمایہ کار دوسرے اثاثوں کے بارے میں غیر یقینی محسوس کرتے ہیں، تو وہ اکثر سونا خریدتے ہیں۔
پاکستان میں گذشتہ برس سونے کی قیمت کے تعین کے طریقہ کار میں تبدیلی کردی گئی تھی، جس کے تحت سونے کی قیمت انٹرنیشنل مارکیٹ ریٹ سے 20 ڈالر فی اونس زیادہ مقرر کی گئی ہے۔
