کراچی: آج کاروباری روز کے دوران ملک میں سونے کی فی تولہ قیمت میں بڑا اضافہ ہوگیا۔
آل پاکستان جیمز اینڈ جیولرز ایسوسی ایشن کے مطابق پاکستان میں فی تولہ سونا 2100 روپے اضافے سے 2 لاکھ 73 ہزار 400 روپے کا ہوگیا۔
اسی طرح دس گرام سونے کی قیمت 1800 روپے اضافے سے 2 لاکھ 34 ہزار 396 روپے پر پہنچ گئی۔
عالمی صرافہ بازار میں سونا 21 ڈالرز اضافے سے 2622 فی اونس پر آگیا جبکہ چاندی کی فی تولہ قیمت 3350 روپے پر مستحکم رہی۔
یاد رہے کہ سونا خریدنا روایتی طور پر محفوظ سرمایہ کاری سمجھا جاتا ہے جس کی قیمت افراط زر، سیاسی اور معاشی عدم استحکام کے اوقات میں بڑھ جاتی ہے۔
اسے صدیوں سے کرنسی اور دولت کی شکل کے طور پر استعمال کیا جاتا رہا ہے، جب سرمایہ کار دوسرے اثاثوں کے بارے میں غیر یقینی محسوس کرتے ہیں، تو وہ اکثر سونا خریدے ہیں۔
پاکستان میں سونے کی قیمت میں مسلسل تیسرے روز کمی ریکارڈ
پاکستان میں گزشتہ برس سونے کی قیمت کے تعین کے طریقہ کار میں تبدیلی کردی گئی تھی، جس کے تحت سونے کی قیمت انٹرنیشنل مارکیٹ ریٹ سے 20 ڈالر فی اونس زیادہ مقرر کی گئی۔
