کراچی: ملک بھر میں سونے کی قیمت میں پیر کے روز 800 روپے فی تولہ اضافہ ہوا ہے۔
آل پاکستان جیمز اینڈ جیولرز ایسوسی ایشن کے مطابق 1 تولہ سونے کی قیمت میں 800 روپے کے اضافے کے بعد سونے کی نئی قیمت 2 لاکھ 40 ہزار 800 روپے فی تولہ ہوگئی۔
جیمز اینڈ جیولرز ایسوسی ایشن کے مطابق 10 گرام سونے کی قیمت میں 686 روپے کا اضافہ ہوا جس کے نتیجے میں 10 گرام سونے کی قیمت 2 لاکھ 6 ہزار 447 روپے ہوگئی ہے۔
- Advertisement -
سونے کی قیمت میں اضافے کی وجہ عالمی منڈی میں بڑھنے والی سونے کی قیمت ہے، عالمی منڈی میں سونے کی قیمت 10 ڈالر اضافے کے بعد 2 ہزار 343 ڈالر فی اونس ہوگئی۔
