کراچی: بلین مارکیٹ میں سونے کی قیمتیں مستحکم رہنے کے باوجود پاکستان میں قیمتوں میں معمولی اضافہ دیکھا گیا۔
اے آر وائی نیوز کی رپورٹ کےمطابق عالمی مارکیٹ میں ٹریڈنگ کے دوران سونے کی فی اونس قیمت مستحکم رہی اور ڈالر 1878 ڈالرز فی اونس پر ٹریڈ کرتی رہی۔
عالمی مارکیٹ میں قیمت مستحکم رہنے کے باوجود پاکستان بھر کے صرافہ بازاروں میں قیمتوں میں غیر معمولی اضافہ ریکارڈ کیا گیا۔
آل پاکستان جیولرز مینوفیچکررز ایسو سی ایشن کے چیئرمین محمد ارشد کے مطابق آج بروز منگل مقامی صرافہ بازاروں میں سونے کی فی تولہ قیمت میں 200 روپے کا اضافہ ہوا جس کے بعد قیمت 1 لاکھ 13 ہزار 600 روپے تک پہنچ گئی۔
آج بتاریخ 29 دسمبر کے ریٹ
فی تولہ قیمت: -/ 113,600روپے
دس گرام قیمت: -/ 97,393 روپے
اسی طرح دس گرام کی قیمت میں 172 روپے کا اضافہ ہوا جس کے بعد قیمت 97 ہزار 393 روپے تک پہنچ گئی۔کراچی، حیدرآباد، سکھر، ملتان، لاہور، فیصل آباد، اسلام آباد، راولپنڈی، پشاور اور کوئٹہ کی صرافہ مارکیٹوں میں خرید و فروخت نئے ریٹ کے ساتھ ہوئی۔
واضح رہے کہ ایک روز قبل سونے کی قیمت میں 100 روپے اضافہ ریکارڈ کیا گیا تھا جس کے بعد سونے کی فی تولہ قیمت ایک لاکھ 13 ہزار 450 روپے ہوگئی تھی۔
صرافہ بازار جیولرز ایسوسی ایشن کے مطابق فی تولہ قیمت میں اضافے کے بعد 10 گرام سونے کی قدر 85 روپے اضافے سے 97 ہزار 265 روپے ہوگئی تھی۔