کراچی: آج کاروباری روز کے دوران پاکستان میں فی تولہ سونے کی قیمت میں کمی ریکارڈ کی گئی۔
آل پاکستان جیمز اینڈ جیولرز ایسوسی ایشن کے مطابق فی تولہ سونا 800 روپے کم ہوکر 2 لاکھ 72 ہزار 600 روپے کا ہوگیا۔
رپورٹ کے مطابق 10گرام سونا 685 روپے کی کمی سے 2 لاکھ 33 ہزار 711 روپے کا ہوگیا ہے۔بین الاقوامی مارکیٹ کی اگر بات کی جائے تو سونا 8 ڈالر کی کمی کے بعد 2614 ڈالر فی اونس کا ہوگیا۔
واضح رہے کہ گزشتہ روز پاکستان میں فی تولہ سونے کی قیمت 2 لاکھ 73 ہزار 400 روپے پر برقرار رہی تھی، اور اس میں کوئی ردو بدل دیکھنے میں نہیں آیا تھا۔
یاد رہے کہ سونا خریدنا روایتی طور پر محفوظ سرمایہ کاری سمجھا جاتا ہے جس کی قیمت افراط زر، سیاسی اور معاشی عدم استحکام کے اوقات میں بڑھ جاتی ہے۔
اسے صدیوں سے کرنسی اور دولت کی شکل کے طور پر استعمال کیا جاتا رہا ہے، جب سرمایہ کار دوسرے اثاثوں کے بارے میں غیر یقینی محسوس کرتے ہیں، تو وہ اکثر سونا خریدتے ہیں۔
گیس کے ذخائر میں بڑی کمی، سوئی سدرن نے خبردار کر دیا
پاکستان میں گزشتہ برس سونے کی قیمت کے تعین کے طریقہ کار میں تبدیلی کردی گئی تھی، جس کے تحت سونے کی قیمت انٹرنیشنل مارکیٹ ریٹ سے 20 ڈالر فی اونس زیادہ مقرر کی گئی۔
