کراچی : سونے کی قیمت میں سو روپے کی کمی سامنے آئی ہے، جس کے بعد فی تولہ قیمت2 لاکھ37 ہزار 200روپے ہوگئی۔
تفصیلات کے مطابق ملک بھر میں مسلسل بڑھنے والی سونے کی قیمت کو بریک لگ گئی ہے۔ الاقوامی مارکیٹ میں فی اونس سونے کی قیمت میں13 امریکی ڈالر کی گراوٹ دیکھی گئی اور نئی قیمت 1959امریکی کرنسی ہوگئی ہے۔
آل پاکستان جیمز اینڈ جیولرز ایسوسی ایشن کے مطابق عالمی مارکیٹ میں قیمتیں کم ہونے کے بعد ملکی صرافہ مارکیٹوں لاہور، کراچی، اسلام آباد، پشاور، کوئٹہ، حیدر آباد، سکھر، گوجرانوالا، فیصل آباد، ملتان سمیت دیگر شہروں پر فی تولہ سونے کی قیمت میں سو روپے کی کمی دیکھی گئی اور نئی قیمت 237200 روپے ہوگئی ہے۔
اس کے علاوہ 10 گرام سونے کی قیمت میں 85 روپے کی کمی سے 2 لاکھ3ہزار 361 روپے ہے جبکہ عالمی بازار میں سونا 13 ڈالر سستا ہوکر 1959 ڈالر فی اونس ہوگیا ہے۔
دوسری جانب فی تولہ اور دس گرام چاندی کی قیمتوں میں استحکام ریکارڈ کیا گیا اور قیمتیں بالترتیب 2900روپے اور 2486.28 روپے کی سطح پر برقرار ہیں۔
