کراچی : ملک میں سونے کی قیمت میں کمی کا سلسلہ آج بھی جاری رہا جبکہ عالمی مارکیٹ میں سونے کی قیمت میں اضافہ دیکھا جارہا ہے۔
تفصیلات کے مطابق بین الاقوامی مارکیٹ میں فی اونس قیمت 11ڈالر بڑھنے کے بعد 1956 امریکی ڈالر ہوگئی ہے۔
عالمی مارکیٹ میں قیمتیں بڑھنے کے باوجود ملکی صرافہ مارکیٹوں لاہور، کراچی، اسلام آباد، پشاور، کوئٹہ، حیدر آباد، سکھر، گوجرانوالا، فیصل آباد، راولپنڈی سمیت دیگر جگہوں پر فی تولہ سونے کی قیمت میں ایک ہزار 700 روپے کی بڑی کمی دیکھی گئی اور نئی قدر دو لاکھ 32 ہزار 800روپے ہو گئی ہے۔
- Advertisement -
آل پاکستان جیمز اینڈ جیولرز ایسوسی ایشن کے مطابق 10گرام سونے کا بھاؤ 1458 روپے کم ہوکر ایک لاکھ 99 ہزار 588 46 روپے ہے۔
