کراچی : عالمی منڈی میں سونے کے بھاؤ میں کمی کے بعد پاکستان میں بھی سونے کی قیمت میں کمی ریکارڈ کی گئی ہے۔
تفصیلات کے مطابق مشرق وسطیٰ میں کشیدگی کے سبب بین الاقوامی مارکیٹ میں سونے کی قیمتوں میں اضافے کے بعد کمی سامنے آئی ہے۔
عالمی منڈی میں سونے کی قیمت میں اب تک 5 ڈالر کی کمی اضافہ سامنے آئی ہے جس کے بعد فی اونس سونے کی قیمت 1990 ڈالر پرپہنچ گئی ہے۔ پاکستان میں سونے کی قیمت میں تقریباً 750روپے تک کی کمی ریکارڈ کی گئی ہے۔
- Advertisement -
ذرائع کے مطابق مقامی صرافہ مارکیٹوں میں بھی بدھ کو 24قیراط کے حامل فی تولہ سونے کی قیمت 750روپے کم ہوکر 2لاکھ8 ہزار 450 روپے ہوگئی۔
اس کے برعکس فی تولہ چاندی کی قیمت بغیر کسی تبدیلی کے 2550روپے پر مستحکم رہی اور فی دس گرام چاندی کی قیمت بھی بغیر کسی تبدیلی کے 2186.21 روپے پر مستحکم رہی۔
