کراچی : ملک بھر میں سونے کی فی تولہ قیمت میں کمی ریکارڈ کی گئی ہے، جس کی بڑی وجہ ملکی معاشی حالات میں بہتری قرار دی جارہی ہے۔
تفصیلات کے مطابق عالمی مارکیٹ میں سونے کی قیمتوں میں نمایاں کمی کے بعد پاکستان میں بھی سونے کے نرخ کم ہوگئے ہیں۔
آل پاکستان جیمز اینڈ جیولرز ایسوسی ایشن کے مطابق آج ملک میں سونے کی فی تولہ قیمت 4ہزار روپے کم ہوئی ہے جس کے بعد فی تولہ سونے کا بھاؤ 2 لاکھ 12 ہزار 500 روپے ہوگیا ہے۔
واضح رہے کہ رواں ہفتے سونے کی فی تولہ قیمت میں 26 ہزار 6 سو روپے کمی واقع ہوئی، رواں ہفتے فی تولہ سونا 2 لاکھ39 ہزار ایک سو سے کم ہوکر 2 لاکھ 12 پانچ سو روپے کا ہوگیا، گزشتہ روز سونے کا بھاؤ 5 ہزار 800 روپے کم ہو کر 2 لاکھ 16 ہزار 500 روپے ہوگیا تھا۔
بین الاقوامی مارکیٹ میں فی اونس سونے کی قیمت 2 ڈالر کمی کے ساتھ 1923 ڈالر کی سطح پر آگئی جبکہ پاکستان میں دس گرام سونے کی قیمت میں 3ہزار430 روپے کی کمی ریکارڈ کی گئی۔
