کراچی : امریکی صدر کے اقدامات کے بعد پاکستان میں سونے کی فی تولہ قیمت میں کمی ریکارڈ کی گئی، جس کے بعد فی تولہ کتنے کا ہوگیا۔
تفصیلات کے مطابق امریکی صدر ٹرمپ کی جانب سے ٹیرف عائد کرنے کے بعد بین الاقوامی مارکیٹ اور مقامی مارکیٹ میں سونے کی قیمتوں میں اتار چڑھاؤ کا سلسلہ جاری ہے۔
پاکستان میں فی تولہ سونا 317,034 کی سطح پر آگئی جبکہ 10 گرام سونے کی قیمت 272,094 پر رہی۔
خیال رہے پاکستان میں سونے کی قیمت بین الاقوامی سونے کی قیمتوں میں اتار چڑھاو کے بعد کراچی صرافہ بازار ایسوسی ایشن کے ذریعہ طے کی جاتی ہے۔
یاد رہے کہ سونا خریدنا روایتی طور پر محفوظ سرمایہ کاری سمجھا جاتا ہے جس کی قیمت افراط زر، سیاسی اور معاشی عدم استحکام کے اوقات میں بڑھ جاتی ہے۔
اسے صدیوں سے کرنسی اور دولت کی شکل کے طور پر استعمال کیا جاتا رہا ہے، جب سرمایہ کار دوسرے اثاثوں کے بارے میں غیر یقینی محسوس کرتے ہیں، تو وہ اکثر سونا خریدے ہیں۔
پاکستان میں گزشتہ برس سونے کی قیمت کے تعین کے طریقہ کار میں تبدیلی کردی گئی تھی، جس کے تحت سونے کی قیمت انٹرنیشنل مارکیٹ ریٹ سے 20 ڈالر فی اونس زیادہ مقرر کی گئی۔
