سعودی عرب میں آج 11 اپریل 2025 کو 24 قیراط سونے کی فی تولہ قیمت میں تاریخ کی بلند ترین سطح پر پہنچ گئی۔
فاریکس ڈاٹ پی کے کے مطابق سعودی عرب میں 24 قیراط کا فی تولہ سونا مزید اضافے کے بعد 4 ہزار 335 ریال کا ہوگیا جبکہ 10 گرام سونا 3 ہزار 721 ریال اور فی اونس 11 ہزار 573 ریال میں فروخت کیا جا رہا ہے۔
دنیا بھر میں سونے کی قیمتوں میں تازہ ترین اتار چڑھاؤ امریکی صدر ڈونلڈ ٹرمپ کی جانب سے چین سمیت درجنوں ممالک پر ٹیرف عائد کیے جانے کے بعد شروع ہونے والی تجارتی جنگ کے باعث دیکھا جا رہا ہے۔
یہ بھی پڑھیں: گھر میں سونا رکھنے کی حد مقرر
گزشتہ روز پاکستانی اوپن مارکیٹ میں سعودی ریال کی تازہ ترین شرح تبادلہ میں کمی کا رجحان دیکھا گیا، 10 اپریل 2025 کو ایک ریال 74.30 روپے کے برابر رہا۔
فاریکس ایسوسی ایشن آف پاکستان کے مطابق نئے کاروباری ہفتے کے تیسرے دن ایک ریال 75.27 روپے میں فروخت کیا جا رہا ہے۔
سونا خریدنا روایتی طور پر محفوظ سرمایہ کاری سمجھا جاتا ہے جس کی قیمت افراط زر، سیاسی اور معاشی عدم استحکام کے اوقات میں بڑھ جاتی ہے۔ اسے صدیوں سے کرنسی اور دولت کی شکل کے طور پر استعمال کیا جاتا رہا ہے۔
جب سرمایہ کار دوسرے اثاثوں کے بارے میں غیر یقینی محسوس کرتے ہیں، تو وہ اکثر سونا خریدے ہیں، پاکستان میں گذشتہ برس سونے کی قیمت کے تعین کے طریقہ کار میں تبدیلی کردی گئی تھی، جس کے تحت سونے کی قیمت انٹرنیشنل مارکیٹ ریٹ سے 20 ڈالر فی اونس زیادہ مقرر کی گئی۔
