سعودی عرب 24 قیراط سونے کی قیمت میں تاریخ کی بلند ترین سطح پر پہنچنے کے بعد آج 19 اپریل 2025 کو کمی کا رجحان دیکھا گیا۔
فاریکس ڈاٹ پی کے کے مطابق سعودی عرب میں 24 قیراط سونے کی فی تولہ قیمت 41 ریال کی کمی کے بعد 4 ہزار 631 ہوگئی جو گزشتہ روز 4 ہزار 672 ریال تھی۔
سعودی عرب میں 10 گرام سونا سستا ہو کر 3 ہزار 975 جبکہ فی اونس 12 ہزار 362 ریال میں فروخت کیا جا رہا ہے۔
یہ بھی پڑھیں: یو اے ای میں سونے کی قیمت کا نیا ریکارڈ بن گیا
امریکا اور چین کے درمیان جاری ٹیرف جنگ کی وجہ سے عالمی اور مقامی مارکیٹوں میں سونے کی قیمت میں مسلسل اتار چڑھاؤ دیکھا جا رہا ہے۔ غیر یقینی معاشی صورتحال کے باعث لوگ زیادہ سے زیادہ سونا خریدنے کی کوشش کر رہے ہیں۔
پاکستانی اوپن مارکیٹ میں سعودی ریال مستحکم رہا، آج ایک ریال 74.78 پاکستانی روپے کے برابر ہے۔
فاریکس ایسوسی ایشن آف پاکستان کے مطابق کاروباری ہفتے کے پانچویں دن ریال 75.32 روپے میں فروخت ہو رہا ہے۔
سونا خریدنا روایتی طور پر محفوظ سرمایہ کاری سمجھا جاتا ہے جس کی قیمت افراط زر، سیاسی اور معاشی عدم استحکام کے اوقات میں بڑھ جاتی ہے۔ اسے صدیوں سے کرنسی اور دولت کی شکل کے طور پر استعمال کیا جاتا رہا ہے۔
جب سرمایہ کار دوسرے اثاثوں کے بارے میں غیر یقینی محسوس کرتے ہیں، تو وہ اکثر سونا خریدے ہیں، پاکستان میں گذشتہ برس سونے کی قیمت کے تعین کے طریقہ کار میں تبدیلی کردی گئی تھی، جس کے تحت سونے کی قیمت انٹرنیشنل مارکیٹ ریٹ سے 20 ڈالر فی اونس زیادہ مقرر کی گئی۔
