سونے کے فی تولہ قیمتوں میں مزید کمی
The news is by your side.

Advertisement

سونے کے فی تولہ قیمتوں میں مزید کمی

کراچی: عالمی مارکیٹ میں سونے کی فی اونس قیمت 3 ڈالر کم ہوکر 1215 تک پہنچ گئیں جس کے باعث مقامی صرافہ بازاروں میں بھی سونے کی قیمتوں میں کمی ہوئی۔

تفصیلات کے مطابق عالمی مارکیٹ میں ٹریڈنگ کے دوران سونے کی قیمت میں 3 ڈالر کمی ہوئی جس کے بعد فی اونس بھاؤ 1215 تک پہنچی، انٹرنیشنل مارکیٹ میں کمی کا اثر مقامی مارکیٹوں پر بھی پڑا۔

تاجروں کے مطابق سونے کی فی تولہ قیمت میں 600 روپے کی کمی ہوئی جس کے بعد قیمت 55ہزار جبکہ 10 گرام سونا 515 روپے کمی کے بعد 47 ہزار 513 روپے تک پہنچا۔

صرافہ بازار ایسوسی ایشن کے مطابق کراچی، حیدر آباد، سکھر، ملتان، فیصل آباد، لاہور، اسلام آباد، راولپنڈی، پشاور اور کوئٹہ کی صرافہ مارکیٹوں میں سونے کی خرید و فروخت نئے داموں کے ساتھ ہوئی۔

مزید پڑھیں: سونے کی قیمتوں میں مزید کمی، فی تولہ قیمت 55ہزار 600 تک پہنچ گئی

واضح رہے کہ ایک ہفتے کے دوران مقامی صرافہ بازاروں میں سونے کی فی تولہ قیمت 5 ہزار 50 روپے کم ہوئی، اس سے قبل سونے کے بھاؤ  59 ہزار سے زائد پہنچی جو تاریخ کی بلند ترین سطح تھی۔

واضح رہے کہ پاکستان میں ہونے والےعام انتخابات کے بعد سے ڈالر کی قدر میں نمایاں کمی دیکھی گئی جس کے باعث سونے کی قیمتوں میں 3100 روپے کی کمی ریکارڈ کی گئی تھی۔

25 جولائی کے بعد سے مقامی صرافہ بازاروں میں سونے کی فی تولہ قیمتیں مسلسل نیچے آرہی تھیں کہ دو روز قبل بھاؤ میں پھر اضافہ ہوا تھا تاہم اب عالمی مارکیٹ میں فی اونس کمی کے بعد پھر قیمتیں نیچے آنے لگیں۔

 

Comments

comments

یہ بھی پڑھیں