کراچی : سونے کی فی تولہ قیمت میں گزشتہ دنوں ہونے والی کمی کے بعد مزید کمی نوید سنائی گئی ہے، تین روز کے دوران ساڑھے بارہ ہزار روپے کم ہوگئے۔
تفصیلات کے مطابق عالمی مارکیٹ میں سونے کی فی اونس قیمت میں 3 ڈالر جب کہ پاکستان میں سونے کی فی تولہ قیمت میں 1 ہزار 450 روپے کی کمی ہوئی۔
اس حوالے سے ذرائع کا کہنا ہے کہ سونے کی قیمت میں مسلسل تیسرے دن کمی سامنے آئی ہے، فی تولہ سونا 1450 روپے مزید سستا ہوگیا۔
آل صراف اینڈ جیولرز ایسوسی ایشن سے جاری اعداد و شمار کے مطابق پاکستان میں سونے کی فی تولہ قیمت 1450 روپے کمی سے ایک لاکھ 41 ہزار 850 روپے اور دس گرام 1243 روپے سستا ہوکر ایک لاکھ 21 ہزار 614 روپے ہوگئی۔
صراف ایسوسی ایشن کے مطابق پاکستان میں چاندی کے فی تولہ نرخ 1570 اور دس گرام 1346.02 روپے پر برقرار ہیں، عالمی مارکیٹ میں فی اونس چاندی 18.70 ڈالر پر فروخت ہورہی ہے۔
