کراچی : پاکستان میں فی تولہ سونے کی قیمت ایک بار پھر بڑے اضافے کے بعد نئی ریکارڈ سطح پر پہنچ گئی۔
تفصیلات کے مطابق بین الاقوامی مارکیٹ اور پاکستان آج میں سونے کی قیمت میں اضافے دیکھا گیا، جس کے بعد قیمتیں ریکارڈ سطح پر پہنچ گئیں۔
مقامی صرافہ مارکیٹ کی جانب سے کہا گیا کہ پاکستان میں فی تولہ سونے کی قیمت میں 4000 روپے کا اضافہ ہوا، جس کے بعد پاکستان میں فی تولہ سونا 3 لاکھ 3 ہزار کا ہوگیا۔
مقامی صرافہ مارکیٹ کا کہنا تھا کہ 10گرام سونے کی قیمت میں3143 روپے کا اضافہ ہوا اور 10گرام سونا 2 لاکھ 59 ہزار773روپے کا ہوگیا۔
امریکی صدر کے درآمدات پر25 فیصد ٹیرف کے بیان پر گولڈریٹ میں تیزی دیکھی گئی، عالمی مارکیٹ میں سونےکی قیمت میں آج 42 ڈالر فی اونس کا اضافہ ہوا، جس کے بعد قیمت 2903 ڈالر فی اونس پر پہنچ گئی۔
پاکستان میں آج ڈالر اور دیگر کرنسیوں کی قیمت
یاد رہے کہ سونا خریدنا روایتی طور پر محفوظ سرمایہ کاری سمجھا جاتا ہے جس کی قیمت افراط زر، سیاسی اور معاشی عدم استحکام کے اوقات میں بڑھ جاتی ہے۔
اسے صدیوں سے کرنسی اور دولت کی شکل کے طور پر استعمال کیا جاتا رہا ہے، جب سرمایہ کار دوسرے اثاثوں کے بارے میں غیر یقینی محسوس کرتے ہیں، تو وہ اکثر سونا خریدے ہیں۔
پاکستان میں گزشتہ برس سونے کی قیمت کے تعین کے طریقہ کار میں تبدیلی کردی گئی تھی، جس کے تحت سونے کی قیمت انٹرنیشنل مارکیٹ ریٹ سے 20 ڈالر فی اونس زیادہ مقرر کی گئی۔
