کراچی: عالمی مارکیٹ میں سونے کی قیمتوں میں کمی کے سبب ملک میں سونے کی فی تولہ قیمت میں 1100 روپے کی کمی واقع ہوئی۔
اے آر وائی نیوز کے مطابق سونا 2 لاکھ 46 ہزار 500 روپے فی تولہ ہوگیا، جبکہ 10 گرام سونے کی قیمت میں 943 روپے کی کمی واقع ہوئی۔ 10 گرام سونا 2 لاکھ 11 ہزار 334 روپے کا ہوگیا۔
عالمی مارکیٹ میں سونا 11 ڈالر کی کمی سے 2364 ڈالر فی اونس کا ہوگیا جبکہ چاندی کی فی تولہ قیمت 2 ہزار 650 روپے پر مستحکم رہی۔
دوسری جانب تاجروں نے 2024 عید سیل سیزن گزشتہ سال سے بھی ذیادہ مایوس کُن قرار دے دیا۔
چئیرمین آل کراچی تاجر اتحاد عتیق میر نے کہا کہ عیدسیزن بری طرح فلاپ ہو گیا، خریداری 40 فیصد تک محدود رہی مارکیٹوں میں ملکی تاریخ کی بدترین مندی نے تاجروں کے ہوش اڑا دیئے۔
افغانستان کا پاکستان سے تجارت پر انحصار مزید بڑھ گیا
عتیق میر نے کہا کہ ملک کے سب سے بڑے شہر میں بمشکل سوا کروڑ افراد عید پر نئے کپڑے خرید سکے، اعصاب شکن مہنگائی سے خریداروں کی قوتِ خرید شدید متاثر ہوئی، بازاروں میں چہل پہل، گہما گہمی اور رونقوں کے باوجود حسبِ روایت خریداری نہ ہوسکی۔
