کراچی : پاکستان میں سونا ہزاروں روپے مہنگا ہوا اور فی تولہ قیمت کا نیا ریکارڈ قائم کرتے ہوئے تاریخ کی بلند ترین سطح پر پہنچ گیا۔
تفصیلات کے مطابق سونے کی قیمت عالمی اور مقامی مارکیٹوں میں نئی تاریخ کی بلند سطح پر پہنچ گئی اور سونا خریدنا اب متوسط طبقے کی پہنچ سے بھی کوسوں دور ہوگیا۔
آل پاکستان جیمز اینڈ جیولرز ایسوسی ایشن کی جانب سے کہا گیا ہے کہ آج سونے کی قیمت میں 3800 روپے کا بڑا اضافہ ہوا ، جس سے فی تولہ سونا 3 لاکھ 8 ہزار روپے کا ہوگیا۔
اسی طرح 10 گرام سونا 3258 روپے اضافے سے 2 لاکھ 64 ہزار 60 روپے کا ہوگیا۔
عالمی صرافہ مارکیٹ میں سونے کی قیمت 34 ڈالرز اضافے سے 2944 فی اونس کی تاریخی سطح پر پہنچ گئی
اضح رہے کہ سونا خریدنا روایتی طور پر محفوظ سرمایہ کاری سمجھا جاتا ہے جس کی قیمت افراط زر، سیاسی اور معاشی عدم استحکام کے اوقات میں بڑھ جاتی ہے۔
اسے صدیوں سے کرنسی اور دولت کی شکل کے طور پر استعمال کیا جاتا رہا ہے، جب سرمایہ کار دوسرے اثاثوں کے بارے میں غیر یقینی محسوس کرتے ہیں، تو وہ اکثر سونا خریدتے ہیں۔
پاکستان میں گزشتہ برس سونے کی قیمت کے تعین کے طریقہ کار میں تبدیلی کردی گئی تھی، جس کے تحت سونے کی قیمت انٹرنیشنل مارکیٹ ریٹ سے 20 ڈالر فی اونس زیادہ مقرر کی گئی۔
