The news is by your side.

Advertisement

سونے کی قیمت میں یکدم بڑا اضافہ

عالمی مارکیٹ میں سونے کی قیمت میں کمی کے باوجود ملک میں سونے کی قیمتیں بڑھ گئیں۔

چیئرمین آل پاکستان جیولرز مینو فیکچررز ایسوسی ایشن محمد ارشد کے مطابق ملک میں سونے کی فی تولہ قیمت 2350 روپے اضافے کے بعد ایک لاکھ 24 ہزار 350 روپے ہوگئیں۔

اسی طرح 10 گرام سونے کی قیمت 2015 روپے اضافے سے ایک لاکھ 6 ہزار 610 روپے رہیں۔

عالمی مارکیٹ میں سونے کی قیمت میں کمی کا رجحان رہا، سونا 03 ڈالر کمی کے بعد 1860 ڈالر فی اونس پر ٹریڈ ہوا۔

دوسری جانب فاریکس ڈیلرز کے مطابق انٹر بینک میں ڈالر کی قیمت میں 66 پیسے اضافہ ہوا ، جس کے بعد ڈالر 174 روپے 42 پیسے پر پہنچ گئی ہے۔

ڈالر اوپن مارکیٹ میں 175 روپے پر فروخت ہورہا ہے جبکہ انٹربینک مارکیٹ میں ڈالر کی قدر 174 روپے سے بھی تجاوز کرگئی۔

واضح رہے کہ ایک ہفتے سے ڈالر کی قدر میں مسلسل اضافے کا رجحان دیکھنے میں آیا ہے، گزشتہ چند دنوں کے دوران انٹر بینک میں ڈالر 4 روپے 4 پیسے مہنگاہوا جبکہ رواں ہفتے کے آغازسے اب تک ڈالر 4 روپے 50 پیسے تک مہنگا ہوچکا ہے۔

یا د رہے کہ گزشتہ دنوں سعودی عرب کی جانب سے پاکستان کی مالی معاونت کی گئی تھی جس کے بعد روپے کی قدت مستحکم ہوئی تھی۔

Comments

یہ بھی پڑھیں