کراچی : پاکستان میں سونے کی قیمتوں میں اس بار ہوشربا اضافہ سامنے آیا ہے جس کے بعد فی تولہ سونا 1 لاکھ 70 ہزار روپے کے قریب پہنچ گیا۔

صراف اینڈ جیولرز ایسوسی ایشن سے جاری اعداد و شمار کے مطابق سونے کے فی تولہ نرخ 2350 روپے کے غیر معمولی اضافے کے بعد ایک لاکھ 69 ہزار 650 روپے اور دس گرام 2016 روپے بڑھ کر ایک لاکھ 45 ہزار 448 روپے کا ہوگیا۔

دوسری جانب عالمی مارکیٹ میں فی اونس سونا 3 ڈالر سستا ہوگیا یے جس کے بعد نرخ ایک ہزار 794 ڈالر پر آگئے۔

رپورٹ کے مطابق پاکستان میں چاندی کی قیمت 80 روپے اضافے سے ایک ہزار 970 روپے جبکہ دس گرام 68.58 روپے بڑھ کر ایک ہزار 688.95 روپے کی ہوگئی، عالمی مارکیٹ میں چاندی کے فی تولہ نرخ 23.41ڈالر ہیں۔