The news is by your side.

ملک بھر میں فی تولہ سونے کی قیمت میں پھر اضافہ

لاہور: ملک بھر میں فی تولہ سونے کی قیمت میں ایک بار پھر بڑا اضافہ سامنے آیا ہے جس کے بعد سونے کے زیورات کی دستیابی عام شہری کی دسترس سے مزید دور ہوگئی۔

تفصیلات کے مطابق بین الاقوامی مارکیٹ میں فی اونس سونے کی قیمت 07 ڈالر کے اضافے سے 1669 ڈالر ہوگئی ہے۔

تازہ ترین اطلاعات کے مطابق سونے کی فی تولہ قیمت میں 400 روپے کا اضافہ ہوا ہے اور فی تولہ قیمت ایک لاکھ 55 ہزار 100 روپے تک ہوگئی ہے۔

اس کے علاوہ 10گرام سونے کا بھاؤ 343 روپے اضافے سے ایک لاکھ 32ہزار 973 روپے ہے جبکہ عالمی صرافہ میں سونے کی قدر سات ڈالرز اضافے سے 1669 ڈالرز فی اونس ہے۔

عالمی مارکیٹ میں قیمتیں بڑھنے کے بعد ملک کی دیگر صرافہ مارکیٹوں لاہور، کراچی، اسلام آباد، پشاور، کوئٹہ، حیدر آباد، سکھر، گوجرانوالا، راولپنڈی سمیت دیگر شہروں میں بھی فی تولہ سونے کی قیمت میں اضافہ دیکھا گیا ہے۔

Comments

یہ بھی پڑھیں