کراچی: آج کاروباری روز کے دوران سونے کی فی تولہ قیمت میں بڑا اضافہ ہوا، جس کے باعث، خریداروں کے ہوش اُڑ گئے۔

آل پاکستان جیمز اینڈ جیولرز ایسوسی ایشن کے مطابق فی تولہ سونا 2300 روپے مہنگا ہوگیا، جس کے بعد فی تولہ سونے کی قیمت 2 لاکھ 88 ہزار 700 روپے پر پہنچ گئی۔

اسی طرح 10 گرام سونا 1972 روپے اضافے سے 2 لاکھ 47 ہزار 513 روپے کا ہوگیا، عالمی مارکیٹ میں بھی سونے کی قیمت میں اضافے کا رجحان رہا اور 22 ڈالرکے اضافے کے بعد 2763 ڈالر فی اونس کا ہوگیا۔

گزشتہ روز پاکستان میں آ فی تولہ سونے کی قیمت میں 2700 روپے کمی ہوئی تھی جس کے بعد فی تولہ سونا 2 لاکھ 86 ہزار 400 روپے کا ہوگیا تھا، اسی طرح 10 گرام سونے کی قیمت 2 ہزار 315 روپے کم ہوکر 2 لاکھ 45 ہزار 541 روپے رہی تھی۔

پاکستان میں آج ڈالر اور دیگر کرنسیوں کی قیمت

یاد رہے کہ سونا خریدنا روایتی طور پر محفوظ سرمایہ کاری سمجھا جاتا ہے جس کی قیمت افراط زر، سیاسی اور معاشی عدم استحکام کے اوقات میں بڑھ جاتی ہے۔

اسے صدیوں سے کرنسی اور دولت کی شکل کے طور پر استعمال کیا جاتا رہا ہے، جب سرمایہ کار دوسرے اثاثوں کے بارے میں غیر یقینی محسوس کرتے ہیں، تو وہ اکثر سونا خریدے ہیں۔

پاکستان میں گزشتہ برس سونے کی قیمت کے تعین کے طریقہ کار میں تبدیلی کردی گئی تھی، جس کے تحت سونے کی قیمت انٹرنیشنل مارکیٹ ریٹ سے 20 ڈالر فی اونس زیادہ مقرر کی گئی۔