کراچی: پاکستان میں آج بھی کاروباری روز کے دوران فی تولہ سونے کی قیمت میں بڑا اضافہ ہوا ہے۔
آل پاکستان جیمز اینڈ جیولرز ایسوسی ایشن کے مطابق فی تولہ سونا 2800 روپے مہنگا ہوکر 3 لاکھ 9 ہزار 300 روپے کا ہوگیا۔
اسی طرح 10 گرام سونا 2400 روپے اضافے سے 2 لاکھ 65 ہزار 174 کا ہوگیا جبکہ عالمی مارکیٹ میں 27 ڈالر اضافے کیساتھ فی اونس سونا 2942 ڈالر کا ہوگیا۔
گزشتہ روز بھی سونے کی فی تولہ قیمت 500 روپے اضافے سے 3 لاکھ 6 ہزار 500 روپے پر پہنچ گئی تھی، جبکہ 10 گرام سونا 429 روپے اضافے کے ساتھ 2 لاکھ 62 ہزار 774 روپے کا ہوگیا تھا۔
پاکستان میں آج ڈالر اور دیگر کرنسیوں کی قیمت
یاد رہے کہ سونا خریدنا روایتی طور پر محفوظ سرمایہ کاری سمجھا جاتا ہے، جس کی قیمت افراط زر، سیاسی اور معاشی عدم استحکام کے اوقات میں بڑھ جاتی ہے۔
اسے صدیوں سے کرنسی اور دولت کی شکل کے طور پر استعمال کیا جاتا رہا ہے، جب سرمایہ کار دوسرے اثاثوں کے بارے میں غیر یقینی محسوس کرتے ہیں، تو وہ اکثر سونا خریدے ہیں۔
ڈیجیٹل پرائز بانڈز کیسے خریدے جاسکیں گے؟ بڑی خبر آگئی
پاکستان میں گزشتہ برس سونے کی قیمت کے تعین کے طریقہ کار میں تبدیلی کر دی گئی تھی، جس کے تحت سونے کی قیمت انٹرنیشنل مارکیٹ ریٹ سے 20 ڈالر فی اونس زیادہ مقرر کی گئی۔
