پاکستان اور عالمی مارکیٹ میں سونے کی قیمتوں میں مسلسل اضافے کے بعد کمی کا سلسلہ جاری ہے جس کے باعث ملک میں بھی سونا سستا ہو رہا ہے۔
آل پاکستان جیمز اینڈ جیولرز ایسوسی ایشن کے مطابق عالمی مارکیٹ میں سونے کی قیمت میں نمایاں کمی کے بعد پاکستان میں بھی سونے کی قیمت میں کمی ریکارڈ کی گئی ہے۔
عالمی سطح پر قیمت میں گراوٹ کے بعد پاکستان میں فی تولہ سونے کی قیمت میں 3400 روپے کی کمی ہوئی ہے جس کے بعد سونا 3 لاکھ 45 ہزار 800 روپے فی تولہ ہو گیا ہے۔
ایسوسی ایشن کے مطابق اسی طرح 10 گرام سونے کا بھاؤ 2915 روپے کم ہوکر 2 لاکھ 96 ہزار 467 روپے کا ہوگیا ہے جبکہ عالمی مارکیٹ میں سونا 34 ڈالر کمی سے 3276 ڈالر فی اونس کا ہوگیا ہے۔
گزشتہ روز عالمی مارکیٹ میں فی اونس سونے کی قیمت میں 21 ڈالر اضافے کے بعد پاکستان میں سونا 2100 روپے مہنگا ہوکر فی تولہ 3 لاکھ 49 ہزار 200 روپے کا ہوگیا تھا۔
پاکستان میں آج ڈالر اور دیگر کرنسیوں کی قیمت
واضح رہے کہ سونا خریدنا روایتی طور پر محفوظ سرمایہ کاری سمجھا جاتا ہے جس کی قیمت افراط زر، سیاسی اور معاشی عدم استحکام کے اوقات میں بڑھ جاتی ہے۔
اسے صدیوں سے کرنسی اور دولت کی شکل کے طور پر استعمال کیا جاتا رہا ہے، جب سرمایہ کار دوسرے اثاثوں کے بارے میں غیر یقینی محسوس کرتے ہیں، تو وہ اکثر سونا خریدے ہیں۔
پاکستان میں گزشتہ برس سونے کی قیمت کے تعین کے طریقہ کار میں تبدیلی کی گئی تھی، جس کے تحت سونے کی قیمت انٹرنیشنل مارکیٹ ریٹ سے 20 ڈالر فی اونس زیادہ مقرر کی گئی۔
ٹیرف سے امریکی اسٹاک مارکیٹ میں شدید مندی، دنیا بھر میں نئی کساد بازاری کا خدشہ
