کاروباری ہفتے کے پہلے روز پاکستان میں سونے کی فی تولہ قیمت میں اضافہ ہوگیا۔
فاریکس ڈاٹ پی کے کی رپورٹ کے مطابق پاکستان میں فی تولہ سونے کی قیمت اضافے کے بعد 3 لاکھ 19 ہزار 20 روپے ہوگئی ہے۔
اسی طرح 10 گرام سونے کی قیمت 2 لاکھ 73 ہزار 799 روپے رہی۔
عالمی مارکیٹ میں سونے کی فی اونس قیمت پاکستانی روپے کے مطابق 8 لاکھ 51 ہزار 624 روپے ہے۔
پاکستان میں آج ڈالر اور دیگر کرنسیوں کی قیمت
واضح رہے کہ سونا خریدنا روایتی طور پر محفوظ سرمایہ کاری سمجھا جاتا ہے جس کی قیمت افراط زر، سیاسی اور معاشی عدم استحکام کے اوقات میں بڑھ جاتی ہے۔ اسے صدیوں سے کرنسی اور دولت کی شکل کے طور پر استعمال کیا جاتا رہا ہے، جب سرمایہ کار دوسرے اثاثوں کے بارے میں غیر یقینی محسوس کرتے ہیں، تو وہ اکثر سونا خریدے ہیں۔
پاکستان میں گزشتہ برس سونے کی قیمت کے تعین کے طریقہ کار میں تبدیلی کی گئی تھی، جس کے تحت سونے کی قیمت انٹرنیشنل مارکیٹ ریٹ سے 20 ڈالر فی اونس زیادہ مقرر کی گئی۔
