پاکستان میں سونے کی فی تولہ قیمت نئی بلند ترین سطح پر پہنچ گئی۔
آل پاکستان جیمز اینڈ جیولرز ایسوسی ایشن کے مطابق آج سونے کی فی تولہ قیمت ایک ہزار روپے اضافے سے 3 لاکھ 9 ہزار روپے پر پہنچ گئی۔
ملک میں 10 گرام سونے کی قیمت 857 روپے اضافے سے 2 لاکھ 64 ہزار 917 روپے رہی۔
عالمی مارکیٹ میں بھی سونے کی قیمت میں اضافے کا رجحان رہا، سونا 9 ڈالر اضافے سے 2 ہزار 953 ڈالر فی اونس ہے۔
پاکستان میں آج ڈالر اور دیگر کرنسیوں کی قیمت
گزشتہ روز بھی سونے کی قیمت میں 3800 روپے کا بڑا اضافہ ہوا تھا جس کے بعد فی تولہ سونا 3 لاکھ 8 ہزار روپے کا ہوگیا تھا۔
واضح رہے کہ سونا خریدنا روایتی طور پر محفوظ سرمایہ کاری سمجھا جاتا ہے جس کی قیمت افراط زر، سیاسی اور معاشی عدم استحکام کے اوقات میں بڑھ جاتی ہے۔
اسے صدیوں سے کرنسی اور دولت کی شکل کے طور پر استعمال کیا جاتا رہا ہے، جب سرمایہ کار دوسرے اثاثوں کے بارے میں غیر یقینی محسوس کرتے ہیں، تو وہ اکثر سونا خریدتے ہیں۔
پاکستان میں گزشتہ برس سونے کی قیمت کے تعین کے طریقہ کار میں تبدیلی کردی گئی تھی، جس کے تحت سونے کی قیمت انٹرنیشنل مارکیٹ ریٹ سے 20 ڈالر فی اونس زیادہ مقرر کی گئی۔
