پاکستان میں چار روز کے مسلسل اضافے کے بعد آج سونے کی قیمت میں معمولی کمی ہوگئی۔
آل پاکستان جیمز اینڈ جیولرز ایسوسی ایشن کے مطابق پاکتان میں فی تولہ سونے کی قیمت 200 روپے کمی سے 2 لاکھ 89 ہزار 400 روپے ہوگئی۔
اسی طرح دس گرام سونے کی قیمت 172 روپے کم ہوکر 2 لاکھ 48 ہزار 113 روپے رہی۔
عالمی گولڈ مارکیٹ میں سونا 2 ڈالرز کی کمی سے 2770 فی اونس کی سطح پر آگیا ہے۔
ملک میں چاندی کی تولہ قیمت بھی 32 روپے کمی کے بعد 3409 روپے ہوگئی ہے۔
واضح رہے کہ گزشتہ رواز پاکستان میں فی تولہ سونے کی قیمت میں 2900 روپے اضافے کے ساتھ 2 لاکھ 89 ہزار چھ سو روپے پر پہنچ گئی تھی۔
Currency Rates in Pakistan Today- پاکستان میں آج ڈالر کی قیمت
سونا خریدنا روایتی طور پر محفوظ سرمایہ کاری سمجھا جاتا ہے جس کی قیمت افراط زر، سیاسی اور معاشی عدم استحکام کے اوقات میں بڑھ جاتی ہے۔
اسے صدیوں سے کرنسی اور دولت کی شکل کے طور پر استعمال کیا جاتا رہا ہے، جب سرمایہ کار دوسرے اثاثوں کے بارے میں غیر یقینی محسوس کرتے ہیں، تو وہ اکثر سونا خریدتے ہیں۔
پاکستان میں گزشتہ برس سونے کی قیمت کے تعین کے طریقہ کار میں تبدیلی کردی گئی تھی، جس کے تحت سونے کی قیمت انٹرنیشنل مارکیٹ ریٹ سے 20 ڈالر فی اونس زیادہ مقرر کی گئی۔
