کراچی: پاکستان میں آج کاروباری روز کے دوران سونے کی فی تولہ قیمت میں 700روپے کا اضافہ ہوا۔
آل پاکستان جیمز اینڈ جیولرز ایسوسی ایشن کے مطابق فی تولہ سونا 700 روپے اضافے کیساتھ 3 لاکھ 7 ہزار روپے کا ہوگیا۔
اسی طرح 10گرام سونا 601 روپے اضافے کے ساتھ 2 لاکھ 63 ہزار 203 روپے کا ہوگیا جبکہ عالمی مارکیٹ میں سونا 5 ڈالر اضافے سے 2921 ڈالر فی اونس کا ہوگیا۔
گزشتہ روز بھی پاکستان میں سونے کی فی تولہ قیمت میں یکمشت 4800 روپے کا بڑا اضافہ ہوا تھا، جس کے بعد سونا 4800 روپے اضافے سے 3 لاکھ 6 ہزار 300 روپے ہو گیا تھا۔
یاد رہے کہ سونا خریدنا روایتی طور پر محفوظ سرمایہ کاری سمجھا جاتا ہے، جس کی قیمت افراط زر، سیاسی اور معاشی عدم استحکام کے اوقات میں بڑھ جاتی ہے۔
اسے صدیوں سے کرنسی اور دولت کی شکل کے طور پر استعمال کیا جاتا رہا ہے، جب سرمایہ کار دوسرے اثاثوں کے بارے میں غیر یقینی محسوس کرتے ہیں، تو وہ اکثر سونا خریدے ہیں۔
سمینٹ کی ایکسپورٹ میں 34 فی صد کا بڑا اضافہ
پاکستان میں گزشتہ برس سونے کی قیمت کے تعین کے طریقہ کار میں تبدیلی کر دی گئی تھی، جس کے تحت سونے کی قیمت انٹرنیشنل مارکیٹ ریٹ سے 20 ڈالر فی اونس زیادہ مقرر کی گئی۔
