The news is by your side.

اسکوئڈ گیم کے اداکار نے گولڈن گلوب ایوارڈ جیت لیا

امریکی اسٹریمنگ سروس نیٹ فلکس پر پیش کی گئی جنوبی کورین سیریز اسکوئڈ گیم میں اداکاری کے جوہر دکھانے والے اداکار او یونگ سو گولڈن گلوب ایوارڈ جیتنے والے پہلے کورین اداکار بن گئے ہیں۔

سماجی رابطے کی ویب سائٹ ٹویٹر پر گولڈن گلوب ایوارڈز کی جانب سے کہا گیا کہ او یونگ سو نے کسی بھی سیریز میں بہترین سپورٹنگ اداکار کا ایوارڈ جیتا ہے۔

یونگ سو نے اس فلم میں پلیئر 1 کا کردار ادا کیا تھا۔

یونگ سو جنوبی کوریا کے اسٹیج کا ایک بہت بڑا نام ہیں لیکن یہ ان کی گولڈن گلوب کے لیے پہلی نامزدگی تھی اور پہلے ہی موقع پر وہ یہ ایوارڈ جیتنے میں کامیاب ہوگئے۔

9 اقساط پر مبنی اس سیریز میں دکھایا گیا ہے کہ کس طرح مختلف پریشانیوں کا شکار افراد رقم کی خاطر ایک گیم کھیلنے کے لیے جمع ہوتے ہیں جہاں ان سے بچوں کے کھیلنے والے گیمز کھلائے جاتے ہیں۔

تاہم صورتحال اس وقت کشیدہ ہوجاتی ہے جب ہارنے والے کو موت کا سامنا کرنا پڑتا ہے، جس کے بعد یہ بے ضرر کھیل زندگی اور موت کی جنگ میں بدل جاتے ہیں۔

پوری سیریز میں دکھایا گیا پلیئر 1 ہی آخر میں اس خونی کھیل کا مرکزی کردار نکلتا ہے جو ایک ارب پتی ہوتا ہے اور اپنی دولت سے لطف اندوز ہونے کے نئے نئے ذرائع ڈھونڈتا ہے۔

Comments

یہ بھی پڑھیں