دبئی: گولڈن اقامہ ہولڈر کے لیے نئے ڈرائیونگ لائسنس کے حصول کے لیے تین شرائط رکھی گئی ہیں۔
الامارات الیوم کے مطابق متحدہ عرب امارات میں دبئی ٹرانسپورٹ اینڈ روڈز اتھارٹی نے کہا ہے کہ گولڈن اقامہ ہولڈرز شرائط پوری کر کے ڈرائیونگ لائسنس حاصل کر سکتے ہیں۔
اتھارٹی کے مطابق گولڈن اقامہ ہولڈرز کو ریاست میں نیا ڈرائیونگ لائسنس حاصل کرنے کے لیے تین شرائط پوری کرنا ہوں گی۔
پہلی شرط اپنے ملک کے مؤثر ڈرائیونگ لائسنس کی کاپی، دوسری شرط نظری امتحان پاس کرنا اور تیسری شرط روڈ ٹیسٹ میں کامیابی حاصل کرنا ہے۔
دبئی میں روڈ ٹیسٹ ڈرائیونگ اسکول کے باہر سڑک پر گاڑی چلوا کر لیا جاتا ہے۔
امارات کی کسی اور ریاست کے ڈرائیونگ لائسنس ہولڈر کے حوالے سے اتھارٹی کا کہنا ہے کہ اگر دبئی کے علاوہ امارات کی کسی اور ریاست سے اقامہ جاری ہوا ہو، تو ایسی صورت میں دبئی سے ڈرائیونگ لائسنس جاری کرانے کی درخواست دیتے وقت بھی بعض دستاویزات پیش کرنا ہوں گی۔
ان میں دبئی میں مکان کے کرایے کے معاہدے یا کمپنی کے کاروباری لائسنس کی کاپی اور اقامہ جاری کرنے والے ادارے کی دستاویز شامل ہیں، دبئی میں کارکن کے ہیڈکوارٹر کی موجودگی ثابت کرنے والا کمپنی کا خط بھی دینا ہوگا۔
واضح رہے کہ دبئی میں 21 برس سے کم عمر افراد کے لیے ڈرائیونگ لائسنس کے اجرا کی فیس سو درہم جب کہ 21 برس اور اس سے زیادہ امیدواروں کی فیس 300 درہم ہے۔
’الابتکار و المعرفہ‘ فیس 20 درہم لی جاتی ہے۔
